1 Ni nao i, Alan Ya꞉su Kelisowo꞉ a꞉ma꞉la꞉ mia꞉nigab a꞉namio꞉, nio꞉ e o꞉lia꞉lo꞉ gasayakilo꞉ kegenema꞉no꞉ a꞉no꞉ ko꞉lo꞉, niyo꞉ gimo꞉wo꞉ sa꞉ma꞉nigo꞉l. 2 Kalu Alana꞉ ho꞉leno꞉ o꞉ma fa꞉la꞉dowo꞉ ko꞉m a꞉la꞉likiyo꞉, kalu nolba꞉yo꞉ wida꞉laba꞉le, mo꞉dinali sa꞉la꞉labele, mo꞉ mo꞉fo꞉so꞉ nili iliga꞉fo꞉ka꞉ a꞉la꞉ sa꞉la꞉likilo꞉ agelab a꞉no꞉, gio꞉ dabulalega, iligakiyo꞉ kele asula꞉so꞉bo.

3 1Tim 4.1,1Yo꞉n 2.18, 4.3Kalu nolba꞉yo꞉ a꞉la꞉dinali sa꞉lalikiyo꞉ gio꞉ tilida꞉da꞉so꞉bo. Mo꞉wo꞉ Alana꞉ ho꞉leno꞉ o꞉semo꞉fa꞉la꞉dowab amio꞉ kaluka꞉isaleya꞉lo꞉ Gode o꞉lia꞉lo꞉ a꞉la꞉iyakilo꞉ gola ba꞉ba꞉no꞉ ho꞉len a꞉no꞉ fa꞉la꞉doma꞉ib. Ho꞉len a꞉namio꞉ ele saefa꞉lo꞉ gola ba꞉ba꞉no꞉ kalu imilig a꞉no꞉ kalaba fa꞉la꞉doma꞉ib. Kalu a꞉no꞉ deya꞉ mogagila꞉ma꞉ki da꞉fe alifo꞉lab. 4 Ese 28.2,Dan 11.36Kalu a꞉no꞉ fa꞉la꞉dowalikiyo꞉, eyo꞉ Gode o꞉lia꞉ madali gode kaluka꞉isaleya꞉lo꞉ wabulu sa꞉la꞉lab o꞉lia꞉mo꞉wo꞉ gis dimidaki, enena꞉ma꞉la꞉yo꞉ kailaki, nol a꞉no꞉ wa꞉la꞉ sa꞉ma꞉ib. A꞉la꞉ta꞉ga꞉ eyo꞉ Godeya꞉ malilo꞉ a usa ha꞉na꞉sa꞉ga꞉ silikiyo꞉, “Godeleyo꞉ neka꞉” a꞉la꞉sa꞉la꞉mela꞉ib.

5 Ne gi o꞉lia꞉ silikiyo꞉, to a꞉no꞉ wido꞉ ko꞉lo꞉ gio꞉ ga꞉lila꞉ya꞉le? 6 Ele saefa꞉lo꞉ gola ba꞉ba꞉no꞉ kalu a꞉no꞉ ho꞉lende imilaba kalaba fa꞉la꞉doma꞉kiyo꞉, o꞉go꞉ e kafo꞉lab, a꞉la꞉bo꞉ gio꞉ asulab. 7-8 Ais 11.4,Kala 19.15Henfelo꞉ wenamio꞉ a꞉la꞉iyan man a꞉no꞉ nanogo꞉ wo꞉no꞉lebo꞉ dia꞉lab ko꞉sega, nolo꞉ e ka꞉la꞉lab. Tif amio꞉ kafo꞉lab a꞉no꞉ Gode eyo꞉ dila꞉ma꞉ib ko꞉lo꞉, ele saefa꞉lo꞉ gola ba꞉ba꞉no꞉ kalu a꞉no꞉ kalab amio꞉ a꞉na fa꞉la꞉doma꞉ib. E fa꞉la꞉dota꞉ga꞉ a꞉lalikiyo꞉, Alan Ya꞉suwo꞉ a꞉ma꞉la꞉ ya꞉ga꞉yo꞉, ene meho꞉ o꞉lia꞉ ene ho꞉len halaido꞉ so꞉so꞉idab o꞉lia꞉ma꞉yo꞉ kalu a꞉no꞉ sanala꞉ma꞉ib.

9 Kala 13.11-13Kalu a꞉no꞉, Sa꞉da꞉na꞉ya꞉ ene halaido꞉ o꞉lia꞉ fa꞉la꞉doma꞉ib ko꞉lo꞉ halaido꞉ a꞉no꞉ widakiyo꞉, eyo꞉ madali dikidaki, ele ba꞉ba꞉no꞉ o꞉lia꞉ molo ha꞉na꞉no꞉ o꞉lia꞉ ko꞉li ko꞉lilo꞉ dimidama꞉ib. 10 Kaluka꞉isale mogagila꞉ma꞉no꞉ doba꞉da꞉lo꞉ ha꞉na꞉lab a꞉no꞉ ko꞉lo꞉ dikidaki, kalu a꞉ma꞉yo꞉ man mogago꞉ ko꞉li ko꞉lilo꞉ dimidama꞉ib. Kaluka꞉isale i a꞉no꞉ to hendeleyo꞉ asuluma꞉no꞉wo꞉ gola ba꞉dabiki, Gode eyo꞉ iyo꞉ mo꞉gasiliab ko꞉lo꞉ iyo꞉ mogagila꞉ma꞉no꞉ doba꞉da꞉ ha꞉na꞉lab. 11 A꞉la꞉fo꞉ko꞉lo꞉ kaluka꞉isale i a꞉no꞉ madali to sa꞉lab a꞉no꞉ hendele a꞉no꞉ko꞉ tilidabuma꞉kiyo꞉, Gode eyo꞉ iyo꞉ a꞉naka ta꞉fa꞉ib. 12 A꞉la꞉go꞉ko꞉lo꞉ iyo꞉ to hendele a꞉no꞉ mo꞉tilida꞉daki, man mogago꞉le a꞉no꞉ sagala꞉li dimida꞉i ha꞉na꞉laliki, Gode eyo꞉ iyo꞉ mo꞉walila꞉sa꞉ga꞉ falasila꞉ma꞉ib.

13 A꞉fe 1.4,2Tes 1.3Ko꞉sega nao i, Gode eyo꞉ gio꞉ mada alan asulo꞉ ko꞉lo꞉ niliyo꞉ gi a꞉no꞉ asulakiyo꞉, Godemo꞉wo꞉ mada o꞉m a꞉la꞉sa꞉la꞉mela꞉niki. Mo꞉wo꞉ gio꞉ to hendele a꞉no꞉ tilida꞉dabiki, Godeya꞉ Mamaya꞉yo꞉ gio꞉ malilo꞉ melea꞉ki ta꞉takiyo꞉, Gode eyo꞉ a꞉na a꞉ma꞉la꞉ gasili ko꞉lo꞉, a꞉la꞉dimidama꞉no꞉ a꞉laki, Godeya꞉lo꞉ taminde amio꞉ gi ko꞉lo꞉ da꞉feyo꞉. 14 A꞉no꞉ ko꞉lo꞉ fa꞉la꞉doma꞉kiyo꞉, nio꞉ to nafayo꞉ gimo꞉ wida꞉sa꞉ga꞉, Gode eyo꞉ gio꞉ a꞉na ho꞉ido꞉. A꞉la꞉ta꞉ga꞉ Gode eyo꞉ Alan Ya꞉su Keliso E wabudab o꞉leaumbo꞉, gili wiyo꞉lo꞉ wabulu sama꞉ki, Gode eyo꞉ gio꞉ a꞉na ho꞉leli. 15 A꞉la꞉fo꞉ko꞉lo꞉ ni nao i, nililo꞉ towa꞉lo꞉ wido꞉ a꞉no꞉lo꞉, mo꞉fo꞉s tamin amilo꞉ sa꞉sa꞉liga꞉fo꞉ a꞉no꞉lo꞉, giliyo꞉ mada dinafa tilida꞉da꞉sa꞉ga꞉, halale ta꞉li dofo꞉lubi.

16 Nili Alan Ya꞉su Keliso o꞉lia꞉ Do Gode o꞉lia꞉ma꞉yo꞉ nio꞉ alan asula꞉sa꞉ga꞉, ene kanulo꞉ a꞉ma꞉yo꞉ nio꞉ ha꞉sa dofo꞉melea꞉ki ta꞉takiyo꞉, tilidabu a꞉no꞉ ko꞉lo꞉ halale alitaki, sagala꞉li yasilima꞉ki ta꞉fo꞉. 17 Eyo꞉ gili asulo꞉wo꞉ halale alitakiyo꞉, to nafa gililo꞉ sa꞉la꞉lab o꞉lia꞉ man nafa dimida꞉lab a꞉no꞉lia꞉yo꞉ ego꞉le mada doma꞉ki, niyo꞉ gio꞉ emo꞉wo꞉ dulugu so꞉lo꞉l.

<- 2 Tesalonaika 12 Tesalonaika 3 ->