Bɛɛ be i wɑ̃ɑ wɔllɔ, i Yinni Gusunɔ siɑro

win yiiko kɑ win dɑm sɔ̃.

2 I win yĩsiru wɔlle suo,

kpɑ i yiirɑ win wuswɑɑɔ win dɛɛrɑrun sɔ̃.

3 Yinni Gusunɔ yiiko kpuroɡii

u derɑ ɡurɑ yɑ ɡbɑ̃rɑmɔ.

Win nɔɔ ɡɑ nɔɔrɑ ɡuru winu sɔɔ.

U dɑm mɔ nim bɑkɑm wɔllɔ.

4 Win nɔɔ ɡɑ nɔɔrɑ kɑ dɑm kɑ yiiko.

5 Win nɔɔ ɡe, ɡɑ Libɑnin dɑ̃ɑ dɑmɡinu bɛsukumɔ.

6 U derɑ Libɑnin ɡuunu nu yɔ̃ɔkumɔ

nɡe kɛtɛ kpɛmminu.

Mɑ ɡuu te bɑ mɔ̀ Hɛɛmɔɔ tɑ suɑrɑ dikɑ

nɡe kɛtɛ ɡbeeku kpɛmbu.

7 Win nɔɔ ɡɑ derɑ ɡuru mɑɑkinu koorɑmɔ.

8 Win nɔɔ ɡɑ nɔɔrɑ,

mɑ ye yɑ wɑ̃ɑ Kɑdɛsin ɡbɑburɔ kpuro yɑ diirɑ.

9 U ɡbɑ̃rɑ sere nɛm ɡurɑɡinu nu nɑndɑ nu mɑrɑ.

Mɑ dɑ̃nu kpuron wurusu dɛllɑ sɔ̃ɔwɔ.

Yerɑ win sinɑ kpɑɑrun di bɑ mɔ̀,

yiikoɡiiwɑ Yinni Gusunɔ.

10 Wiyɑ u dɑm mɔ nim wɔllɔ.

Wiyɑ u ko n sɑ̃ɑ sunɔ sere kɑ bɑɑdommɑɔ.

11 Wiyɑ u koo mɑɑ tɔmbu dɑm kɛ̃.

Wiyɑ u koo bu domɑru kuɑ u bu bɔri yɛndu wɛ̃.

<- Womusu 28Womusu 30 ->