Yinni Gusunɔ, wɑrɑ koo du wunɛn sɑ̃ɑ yerɔ.

Wɑrɑ ko n wɑ̃ɑ ɡuu te ɑ ɡɔsɑn mi.

2 Wiyɑ wi u sĩimɔ dee dee, u ɡeɑ mɔ̀,

u ɡem ɡerumɔ win ɡɔ̃ruɔ,

3 u ku rɑ ɡoo kɔ̃sɑ mɑni,

u ku rɑ win tɔnusi tore,

u ku rɑ win beruse wĩ,

4 u rɑ be bɑ Gusunɔ nɑsie bɛɛrɛ wɛ̃,

u rɑ wi Gusunɔ u yinɑ kɑm mɛɛri,

u rɑ win nɔɔ mwɛɛru yibie bɑɑ ǹ n mɛren nɑ n nùn sɑ̃ɑ,

5 u ku rɑ tɔmbu ɡobi nim dokeye,

u ku rɑ kɛ̃ru mwɛ u kɑ seedɑ weesuɡiɑ di.

Wi u sĩimɔ nɡe mɛ, u ǹ sokurɑmɔ pɑi.

<- Womusu 14Womusu 16 ->