Esɑi 38

Esekiɑsi u bɑrɑ mɑ u bɛkurɑ

(I mɑɑ mɛɛrio Sinɑmbu II, 20:1-11)

1 Sɑɑ ye sɔɔ, Esekiɑsi u bɑrɑ sere u ɡɔɔ turuku kuɑ. Mɑ Gusunɔn sɔmɔ Esɑi Amɔtin bii u nɑ win mi, u nùn sɔ̃ɔwɑ u nɛɛ, ɑmɛniwɑ Yinni Gusunɔ u ɡeruɑ. U nɛɛ, ɑ wunɛn yɛnuɡibu sɔ̃ɔwɔ ye bɑɑwure u koo ko wunɛn biru, domi kɑɑ ɡbi.

2 Yerɑ Esekiɑsi u win wuswɑɑ sĩiyɑ u ɡɑnɑ ɡirɑri. Mɑ u kɑnɑru kuɑ. 3 U nɛɛ, Yinni Gusunɔ, ɑ suuru koowo. A yɑɑyo mɑ nɑ sĩɑ dee dee wunɛn wuswɑɑɔ, nɑ wunɛn woodɑbɑ mɛm nɔɔwɑ, nɑ mɑɑ kuɑ ye n nun wɛ̃re. Yen biru u swĩ ɡem ɡem.

4 Yerɑ Yinni Gusunɔ u Esɑi sɔ̃ɔwɑ u nɛɛ, 5 ɑ doo ɑ Esekiɑsi sɔ̃ ɑ nɛɛ, ɑmɛniwɑ nɛ, Yinni Gusunɔ nɑ ɡeruɑ. Nɛ, wi nɑ sɑ̃ɑ win bɑɑbɑ Dɑfidin Yinni, nɑ nɛɛ, nɑ win kɑnɑru nuɑ, nɑ mɑɑ win nɔni yĩresu wɑ. Wee, kon win wɑ̃ɑrun tɔ̃ru sosi wɔ̃ɔ wɔkurɑ nɔɔbu, 6 kpɑ n nùn fɑɑbɑ ko n nùn wɔrɑ kɑ Yerusɑlɛmu sɑnnu sɑɑ Asirin sinɑ bokon nɔmɑn di, kpɑ n ye kɔ̃su.

21 Mɑ Esɑi u nɛɛ, bu kɑ fiɡien mɑrum nɑ bu mu pɛre Esekiɑsin bwisi te sɔɔ, kpɑ u bɛkurɑ.

22 Mɑ Esekiɑsi u bikiɑ u nɛɛ, yĩre terɑ̀ tɑ koo mɑn sɔ̃ɔsi mɑ kon dɑ Yinni Gusunɔn sɑ̃ɑ yerɔ.

7 Mɑ Esɑi u nɛɛ, yĩre te wee te tɑ koo nun sɔ̃ɔsi mɑ Yinni Gusunɔ u koo win ɡɑri yibiɑ yi u ɡeruɑ. 8 U koo de yɑ̃ku yerun tiro ɡu dɛ̃ɛbu kɑɑrɑ ten yɔɔtiɑn nɑɑ dɑbusɑnu wɔkurun sɑkɑ. Mɑ ɡɑ kɑɑrɑ nɑɑ dɑbusɑnu wɔku te.

Esekiɑsin siɑrɑbu ye u bɛkurɑ

9 Sɑnɑm mɛ Esekiɑsi u bɛkurɑ, u womu kuɑ u nɛɛ,

10 nɑ rɑɑ ɡerumɔ nɛn ɡɔ̃ruɔ nɑ mɔ̀,

nɛn wɑ̃ɑrun suunu sɔɔrɑ kon dɑ ɡɔribun wɑ̃ɑ yerun kɔnnɔwɔ.

Nɛn wɔ̃ɔ si su tie, nɑ ǹ mɑɑ su dimɔ.

11 Nɑ nɛɛ, nɑ ǹ mɑɑ Yinni Gusunɔ wɑsi

hɑnduniɑ yeni sɔɔ.

Mɛyɑ nɑ ǹ mɑɑ ɡoo wɑsi

tem mɛni sɔɔ mi wɑsobɑ wɑ̃ɑ.

12 Wee, bɑ mɑn nɛn wɑ̃ɑru mwɑɑri,

bɑ tu swɛnyɑsiɑ bɑ kɑ tondɑ

nɡe yɑ̃ɑ kpɑron kuu bekuruɡiru.

Bɑ nɛn wɑ̃ɑrun wɛ̃ɛ burɑ.

Mɑ bɑ mɑn kuruɑ

nɡe mɛ weso u rɑ beku yɑsɑ kure.

Sɔ̃ɔ u sere kpe bɑ koo nɛn wɑ̃ɑru kpeerɑsiɑ.

13 Mɑ nɑ tii deri sɛ̃ɛ

sere kɑ bururu yɑm sɑ̃rerɔ.

Yinni Gusunɔ u nɛn kukunu kɔsukɑ nɡe ɡbee sunɔ.

Sɔ̃ɔ u sere kpe, u koo nɛn wɑ̃ɑru kpeerɑsiɑ.

14 Wee, nɑ rɑ n wuri mɔ̀wɑ

nɡe kpɑɑru bɑniku ɡe ɡɑ yɔ̃ɔwɑ.

Kpɑ nɑ n weeweenu mɔ̀

nɑ n kukirimɔ nɡe totobɛrɛru.

Nɑ wɔllu twɛ̃ɛ kɑ wɔnwɔndu.

Yinni Gusunɔ, nɑ wɑ̃ɑ nuku sɑkirɑ bɑkɑnu sɔɔ.

A mɑn somiɔ.

15 Mbɑ kon mɑɑ ɡere,

domi Yinni Gusunɔ u nɛn kɑnɑru nuɑ u mɑn wisɑ.

Kon sĩ kɑ tii kɑwɑbu

sere nɛn wɑ̃ɑrun tɔ̃ru tu kɑ kpe

nɛn nuku sɑnkirɑ tenin biru.

16 Yinni Gusunɔ, wunɛn durom sɑɑbuwɑ

tɔnu u kɑ wɑ̃ɑ.

Domi mɛn sɑɑbuwɑ nɑ kɑ wɛ̃siɑmɔ kpɑm.

A mɑn wɑ̃ɑru wesiɑ mɑ nɑ wɑ̃ɑ.

17 Wee, nɛn wɑhɑlɑ yɑ ɡɔsirɑ bɔri yɛndu,

ɑ wurɑ ɑ mɑn yɑrɑ siki wɔrun di

wunɛn kĩrun sɔ̃.

Domi ɑ nɛn durum kpuro wɔkɑ

ɑ kɔ̃ wunɛn biruɔ.

18 Yinni Gusunɔ, n ǹ mɔ ɡɔribun

wɑ̃ɑ yerɑ tɑ koo nun siɑrɑ.

N ǹ mɑɑ mɔ ɡɔɔwɑ u koo nun wɔlle suɑ.

Be bɑ wɑ̃ɑ siki wɔruɔ bɑ ǹ mɑɑ wunɛn durom yĩiyɔ.

19 Adɑmɑ wɑsowɑ u rɑ nun siɑre nɡe nɛ ɡisɔ.

Kɑ tundo wi u rɑ win bibu sɔ̃ mɑ ɑ nɑɑnɛ mɔ.

20 Yinni Gusunɔ, wunɑ ɑ mɑn fɑɑbɑ kuɑ.

Sɑ ko bɛsɛn mɔrɔkunu kɑ bɑrɑnu kɑ ɡuunu so

su kɑ nun siɑrɑ bɛsɛn wɑ̃ɑru kpuro sɔɔ

wunɛn sɑ̃ɑ yerɔ.

<- Esɑi 37 Esɑi 39 ->