1 I Yudɑbɑn sinɑ boko yɑ̃ɑ

kpɛmminu mɔrisio Selɑn di,

kpɑ bu kɑ nu dɑ Siɔnin ɡuurɔ

kɑ swɑɑ ye yɑ kpɑ mi ɡɑ̃ɑnu ku rɑ kpi.

2 Domi Mɔɑbun tɔn kurɔbu bɑ koo Aɑnɔɔn dɑɑru tɔburɑ,

kpɑ bɑ n sɛnde nɡe ɡunɔ si bɑ ɡirɑ sokurun di su duki mɔ̀.

3 Bɑ koo Yudɑbɑ sɔ̃ bu nɛɛ,

i sun bwisi kɛ̃ɔ i sun sɔ̃ɔwɔ ye sɑ ko ko.

I de bɛɛn sɑɑru tɑ n sun wukiri sɔ̃ɔ sɔɔ nɡe yɑm wɔ̃kuru.

I sun beruo bɛsɛ be bɑ nɑɑ ɡire.

I ku sun yibɛrɛbɑ nɔmu bɛriɑ.

4 I sun mɔɔ bɛsɛ be sɑ kpikiru suumɑ Mɔɑbun di.

Kpɑ i n sɑ̃ɑ bɛsɛn kuku yeru

be bɑ sun kpeerɑsiɑmɔn sɔ̃.

Domi dɑm dɔrebu bu koo kpe.

Be bɑ mɑɑ sun kpeerɑsiɑmɔ bɑ koo doonɑ.

5 Sɑɑ ye sɔɔ, ɡoo u koo yɑri

Dɑfidin bweseru sɔɔ Gusunɔn durom sɑɑbu

kpɑ u bɑndu di te tɑ ko n sirere

kpɑ tu dɑkɑɑ dɑ.

U koo tɔmbu kpɑrɑ ɡem sɔɔ,

kpɑ u n kpeere u kɑ bu siriɑ dee dee.

6 Yudɑbɑ bɑ nɛɛ,

sɑ Mɔɑbubɑn yɛ̃kɔ kɑ ben tii suɑbun lɑbɑɑri nɔɔmɔ,

kɑ ben woo bɔbunu kɑ ben ɡɑri kɑm ɡerubu.

7 Tɛ̃ bɑ weeweenu mɔ̀ ben tiin sɔ̃,

bɑ sumɔ Kiri Hɑresɛtin sɔ̃

ye yɑ bɑnsu kuɑ.

8 Wee bɑ Hɛsibonin ɡberu kpɑɑnɛbɑ sɑnkɑ.

Bwese tukunun sinɑmbu bɑ Sibimɑn resɛmbɑn konu bɔɔrɑ.

Resɛm ɡbɑɑ ni, nu tɛrie sere Yɑsɛɛɔ sɔ̃ɔ yɛ̃sɑn nɔm ɡeu ɡiɑ

n kɑ dɑ mi ɡɑ̃ɑnu ku rɑ kpin sɔ̃ɔ yɑri yerɔ,

kɑ sere nim wɔ̃kun ɡuruɔ sɔ̃ɔ duu yerɔ.

9 Tɛ̃ wee, nɑ sumɔ Sibimɑn resɛm ɡbɑɑnu kɑ Yɑsɛɛn sɔ̃.

Nɑ Hɛsiboni kɑ Eleɑle nɔni yĩresu wisimɔ,

domi tɑbu kowobɑ ben ɡbeɑ wɔri bɑ yen dĩɑnu ɡurɑ.

10 Nuku dobu kun mɑɑ wɑ̃ɑ resɛm ɡbɑɑnɔ.

Bɑ ǹ mɑɑ womusu mɔ̀ mi.

Mɛyɑ bɑ ǹ mɑɑ resɛmbɑ ɡɑmɑmɔ.

Nuku dobun kuuki yi kpɑ.

11 Nɛn wɑsi yi diirumɔ Mɔɑbun sɔ̃ nɡe mɔrɔku sɛrum.

Mɛyɑ nɛn ɡɔ̃ru ɡɑ mɑɑ diirumɔ Kiri Hɑrɛsin sɔ̃.

12 Mɔɑbubɑ bɑ dɑɑmɔ ɡunɡunu wɔllɔ kɑm sɔɔ.

Bɑ dumɔ ben bũu sɑ̃ɑ yerɔ bu kɑ domɑru ko.

Adɑmɑ bɑ ǹ somiru wɑsi.

13 Gɑri yiniwɑ Yinni Gusunɔ u ɡeruɑ yellun di Mɔɑbubɑn sɔ̃. 14 Adɑmɑ tɛ̃, u nɛɛ, wɔ̃ɔ itɑ yɑ̀ n doonɑ kese, bɑ koo wi u bɛɛrɛ bo Mɔɑbuɔ ɡɛm, kɑ sere mɑɑ yen tɔmbu kpuro. Be bɑ koo tiɑ, bɑ ǹ ko n dɑbi, bɑ ǹ mɑɑ bu mɛɛrimɔ ɡɑ̃ɑnu.