1 Müqəddəs dağlar

Rəbbin şəhərinin təməlidir,

2 Yaqubun bütün məskənlərindən çox

Sionun darvazaları Ona əzizdir.

3 Ey Allahın şəhəri,

Haqqında bu şanlı sözləri deyirlər:

4 «Məni tanıyanların içindən

Rahavın,*Rahav – Misirin rəmzi. Babilin adını çəkəcəyəm.

Həm də Filişt, Sur, Kuş barədə

Deyiləcək: “Bunlar da bu yerdə doğulub”.

5 Bəli, Sion barədə deyiləcək:

“Onların hamısı bu yerdə doğulub,

Haqq-Taala buranı sarsılmaz edəcək”.

6 Rəbb xalqları siyahıda qeyd edəndə yazacaq:

“Bunlar bu yerdə doğulub”.

7 Oxuyanlar, rəqs edənlər belə deyəcəklər:

“Səndə mənim üçün hər cür çeşmə var”».

<- ZƏBUR 86ZƏBUR 88 ->