6
Aisaiya kana kwatu
1 Mmkona awaki itubugha Jiuda kana kiiwawo, Usaiya irabobo na bodune. Tagu, Bada akita kiikiiwawo yadi abamakamake geekirakiina debane iyamakamake, bi kana kwama pusiridi na Bare Kabikabikuwayina ivibonuvi. 2 Bi Serapim*Serapim na aneyaneya bi kadi kita ware ribiribi ere mabemabedi bi ere karakarasidi. Bi toudi na God yana bagibagi damdi. na Bada sigwagwara wiikenavivireni siyibodaboda da awaki ikayoveni na toudi siyabera bi tatadigegha na mabemabedi yadi 6. Tatadigegha na mabemabedi batama mayiyidi sikasibabara, bi mabemabedi batama na bada kayedi sikasibabara, bi tughuridi yadi bata na toudima siyaroworowogha. 3 Bi siyikwatu kabivivirana siyawonawona bo,
“Yawe God Maragata Kirakiina,
na kabikabikuwayina, kabikabikuwayina, kabikabikuwayina!
Yana kiniwa kubura tupana ivibonuvi.”
4 Gamodi gugurina ibera da yana Bare Kabikabikuwayina kayena da matamketana koghoridi sividagudagu, bi buu barena kamona ivibonuvi.
5 Wasina bi awona bo, “Aiyo! Kabikwarakwara anabanani! Yagu sisiya na dadabudi, bi wawaya iiyawogha yadi sisiya dadabudi na kamodiye amakamake, bi kate bada Yawe God Maragata Kirakiina akita na anarabobo!”
6 Wasina bi Serapim tana suwara gabugabuna gawarine kavinama umeka muyamuyana ikavini, bi irowogha iyowogha ipiika tagu biidi. 7 Da tounama kawagu ikasitowoyi bi iwona bo, “Kuwaiyana! Mmko umekina kawam ikasitowoyi da nokove na Yawe God yam berona ikabitavedi bi yam tamumu inoghotataveni.”
8 Wasina bi Bada gamona awaiyaneni, iwona bo, “Iiyabo anadaru da sawariyonayona? Iiyabo kiiravidaye inanagho?”
Na awona bo, “Tagu ananagho! Kudarugu.”
<- Aisaiya 5Aisaiya 7 ->
- a Serapim na aneyaneya bi kadi kita ware ribiribi ere mabemabedi bi ere karakarasidi. Bi toudi na God yana bagibagi damdi.