Link to home pageLanguagesLink to all Bible versions on this site
Ebe ni a kẹkẹ ghi ẹgbọ

Iburu
Eni e miesuọ

1
Ungmemhi oyi Ẹshinẹgba ni o rọte obọ oyi Omiọli bhale
1 Agbọ-nẹdẹ, ebubu ẹghẹghẹ ali odẹ ọdọda Ẹshinẹgba ọ te ri emekẹguele nu ititawa ngme. 2 Ama omiọli ni ọ zẹ ni ọ le ugu emhikpa ọ ke rọ nu awa ngme ogbẹlẹ ikpukhokho ni awa la memena. Obọ oyọli ọ gbo rọte ma agbọ 3 Lọli ọ ri ufumhi oyi Ẹshinẹgba khasẹ. Eri ọ gbo li abi Ẹshinẹgba ọ li tee. Lọli ọ ri ungmemhi ni o tsua ekpabọ oyọli mu agbọ nya mhọli. Abi ọ rọ khuẹsẹ awa olamhẹ-a sẹ, ọ shitọ ukiẹkiẹ obita na Eghiele oyi Ẹshinẹgba ni ọ mhọli ekpabọ ni o funẹ nya.
Ufumhi oyi Omi Ẹshinẹgba
4 A ri ọni omiọli fu dọsẹ igẹni abi eva ni Ẹshinẹgba ọ rọ na li o li fu dọsẹ oyẹwẹ.

5 Agẹni ọnọghuo Ẹshinẹgba ọ tigbe liẹ ọli,

“Omimhẹ u khi
amo mhi te khi Itẹ?”
Ali ọnọghuo o gbolo ọli;
“Mhi ya khi Ita ẹ,
yẹyẹ u khi Omimhẹ?”[a]
6 Ama abi Ẹshinẹgba ọ rọ ya ghie Omiọli ọghuo kpe je elemhi agbọ, ọọ,
“Igẹni eyi Ẹshinẹgba nya
e mema nyẹsẹ ukhomhi ga li.”[b]
7 Abi ọ rọ ọ ngme ingme oyi igẹni, ọọ,
“Ọ ma igẹni eyọli
abi akpekpeli,
ọ ma eni ẹẹ ga eyọli
abi ẹlẹmhi erẹ.”[c]
8 Ama abi Ẹshinẹgba ọ rọ ọ ngme ingme oyi Omiọli, ọọ,
“Ẹshinẹgba u khi!
Omhẹsẹ oyẹ,
agbọagbọ o ya la ọ.
Ipfuasẹ ali igẹsikia
u rọ ya ke mhẹsẹ
na ẹgbọ eyẹ.
9 Ipfuasẹ u nono,
ingmobe ọa ghọle ẹ,
irarighọ Ẹshinẹgba u khi!
Ẹshinẹgba ọyẹ, ọ she rẹ
fu dọsẹ etu-ẹ,
itobọ khi ọ ri
oili oghẹlẹ to ẹ ukhomhi.”[d]
10 Ọ gbolo liẹ,
“Yẹyẹ Ọnọmhuẹ,
rọte igbaekẹle,
u te ma agbọ.
Abọ eyẹ u rọ ma ukhuli.
11 Wẹwẹ nya e ya pfua,
ama yẹyẹ u kiele ẹ la ọ.
E ya taa abi itsua ni a sọ.
12 U khili wẹ abi ide,
e ya ọghiẹ abi a liẹ
ọghiẹ itsua ni a sọ.
Ama abi u li u kiele ẹ li,
agbọ oyẹ ọa tigbe
ya mhọli ukpẹsẹ.”[e]
13 Agẹni ọnọghuo Ẹshinẹgba ọ tigbe liẹ ọli,
“Shitọ mhẹ ukiẹkiẹ obita omhẹsẹ,
ramhi ni mhi rọ ya ri ebe ẹ
mele ukpẹkhomi akphawẹ-nga oyẹ-a?”[f]

14 Ọa khi iyẹmhẹ eni ẹẹ ga Ẹshinẹgba igẹni nya e khi, ni Ẹshinẹgba ọọ ghie e ke ga eni e ya le ugu imiepfuese?

Iburu 2 ->