PILIMONI Vaikala lamana Pilimoni ne anu itema tila vile. Male anu temanu lalotu vile ne Kolosi. Itema sou xaixai vitanisi vile noxou ualasou lexe Onesimosi muꞌume la mulai muxolu to tuala tila vile. Ia no mine anu muꞌume mulai muxolu ne la muxalisou Paulo. Xe Paulo musuꞌulinu la anu munoꞌu Kalisito no anu maulixu, la muxali itema vile noxou Kalisito. No voxo ane ne, anu Paulo muxolu no anu sakisaki, la umomomo sou ulai umaisou Pilimoni ne uasi. Ia anu mukakavunu uoli voloxu ꞌo, la mulosou anu Onesimosi sou munoꞌu mulailixu noxou tilasou ne. No nano no anu uoli voloxu ne, la anu muvikalanu Pilimoni ne lexe ulavixu itema sou xaixai vitanisi ne mamu. Xo anu Onesimosi ne muxali itema vile noxou Kalisito ne. La sou laixe lexe anu usexelaxu mo unoꞌu ulivu loxo anu vimou maninasou. Aꞌalo muai no nano aloxo ꞌo Vaikala lamana 1-3 Vaikala sou ꞌosaꞌila xe lakilaka 4-7 Linga noxou Paulo mulai noxou Pilimoni sou Onesimosi 8-22 Vaikala kaluxusou 23-25
1 Eni Paulo, aneꞌi misakisakileli mo eni a axoxolu no taasou navunavu, xo eni amitema sou xaixai noxou Kalisito Iesu.
Nexi noxou Timoti, anu loxo vivinge noxou Iesu Kalisito, tekaukavu kaukavu ane ꞌo mulai noxine Pilimoni, nini menexixe maninasou ane nexi temasaxau xe nini itema sou xaixai noxixe vile. 2 ✡Kol 4:17; 2Ti 2:3Eni ekaukavu mulai noxine Apia kalumo, nini loxo vivixe sema xe mulai noxine Akipasi kalumo, nini loxo itema sou ꞌotoꞌoto noxixe, xo nini nexaxai noxou Kalisito Iesu loxo itema sou ꞌotoꞌoto loxo nenge nengei texaxai no anu. Mo eni ekaukavu mulai noxiꞌa ta mitema noxou Lataua kalumo ane aneꞌi ilavusou ipipita no tani noxine.3 Nexi talinga lexe alauna mo opo seꞌisisi noxou Lataua Maminge ilou Tila noxinge Iesu Kalisito uxolu noxinge.
Linga Noxou Paulo 4 No mine eni alinga ulai noxou Lataua noxilo, la eni axavutalaneni mo avikala laixe ulai noxou uto-tomu. 5 Xo eni elomu lexe nini namuxamuxaxu taneni noxou Tila noxine Iesu mo namasaxaiꞌa ta mitema noxou Lataua ukalusi. 6 Nenge nengeꞌa tamuxamuxaxu tanenge noxou Lataua, la sou eni alinga lexe nini namaxaꞌu no anu maulixene loxo nini nemuxaxu taneni noxou Lataua manina. La sou nini nalavu manina no anu mimii latala laixe ane nenge tenoꞌu noxou Kalisito. 7 ✡2Ko 7:4Nini loxo vivilo, nini nemasaxaiꞌa mo nesuꞌulineꞌi ta mitema noxou Lataua sou imuxamuxaxu taneꞌi pekiaꞌu ulai noxou Kalisito, la sou eni eꞌosasine misevile mo nini neavutilixo sou opoleli muai seꞌisisi. Lingasou Onesimosi 8 Eni amomomo sou avikalaneni pekiaꞌu no anu mii vile sou lexe nini naꞌoxonu, xo nini loxo vivilo noxou Kalisito. 9 Ia, eni ataliꞌisinexu aloxo ne uasi. Ataliꞌisine seꞌisisi xo eni elavu lexe nini itema sou namasaxaiꞌa ta mitema noxou Lataua. Eni aululu mukalu, ia aneꞌi misakisakileli mo a axoxolu no taasou navunavu. 10 ✡1Ko 4:15; Kol 4:9Ia eni Paulo ataliꞌisinexu Onesimosi, anu muxali loxo ꞌalixeni. Xo anu mumulaxu tanu noxou Iesu no mine eni exoxolu no taasou navunavu. 11 Tei, la anu ulavusou uꞌoxonu xaixai laixe sou usuꞌulineni uasi, ia vaimomo anu mumomomo sou uꞌoxonu xaixai laixe sou usuꞌulinenge nengei.12 La sou eni apalusou ulivu ulai noxine. Anu ne, eꞌeleli manina ane. 13 No mine eni exoxolu no taasou navunavu, la emasaxa lexe anu uxolu noxilo sou unoꞌu tanixene mo usuꞌulileli sou aaꞌaloiꞌa ta mitema aꞌalo laixe noxou Iesu Kalisito. 14 Ia lexe nini napelemasaxaleli uasi, la eni umomomo sou amulinu masaxa noxilo uasi. Lexe nini nasuꞌulileli sou nalivunoxu Onesimosi ulivu noxine, la nini naꞌoxonu mii ane ne, no anu masaxa noxinesi. Eni avikala pekiaꞌu noxine, la sou nini naꞌoxonu aloxo ne uasi. 15 Tavaꞌu xo anu Onesimosi muꞌumesine se kituꞌa ne, male nini nalivulixu uneꞌe noxine mo sou uxolu noxine utotomu. 16 ✡1Ti 6:2Anu ulivu uneꞌe uxolu noxine, la anu loxo itema vitanisi sou napalupalusou uasi. Anu muxiu mo muxali loxo vivine e nenge temasaxau. Eni emasaxau, ia nini kalumo nemasaxau misevile, loxo itema sou ipalupalusou mo nenge vivinge noxou tila, ia anu noxine kalumo.
17 La sou lexe nini menexilo sou nengei taꞌoxonu xaixai noxou Tilasinge, la naꞌavalou Onesimosi uneꞌe noxine loxo nini naꞌavalilo. 18 Xe lexe anu mususu noxine mo ukolinu lamolimeni uasi, la eni akolinu. 19 Xo eni Paulo melo ekaukavu ano ꞌo. La sou eni melo akolinu lamolimeni. Ia eni avikalaneni lexe nini nakolinu xaixai e eni eꞌoxo mulai noxine sou nemuxaxu taneni noxou Kalisito ꞌole, uasi. 20 Vivilo. Eni emasaxa manina lexe nini nasuꞌulileli, xo nenge nengei tamuxamuxaxu tanenge noxou Tila noxinge. Nini naꞌavalou Onesimosi uneꞌe sou uxolu noxine, la eni opoleli uꞌosasou Kalisito. 21 Eni ekaukavu aloxo ne, xo eni elavu lexe nini nalomuxu linga noxilo mo nini naꞌoxonu xaixai seꞌi e eni ataliꞌisinexu uasi.
22 ✡Pil 1:25; 2:24Avikalangengi no anu mii vile la. Eni alingainge sou ngingi ngakilakasilo ulai noxou Lataua, mo sou eni alai noxinge. La sou eni emasaxa lexe nini napaipounu tani kapiutuxu vile sou lexe eni aneꞌe, la aai no anu.
23 ✡Kol 1:7Epapalasi musova aso laixe mulai noxine. Anu kalumo ne, aneꞌi misakisakiinu mo nexi noxou texolu no taasou navunavu, xo anu kalumo muaꞌaloxu Kalisito Iesu ualasou. 24 ✡Kol 4:10-14Mo aneꞌi ane nexi noxiꞌa taxaxai tapita no anu xaixai noxou Lataua, ualasiꞌa lexe Maluko mo Alisitaluko mo Temasi ilou Luka, aneꞌi kalumo misova aso laixe mulai noxine.
25 Eni alinga lexe alauna noxou Tila Iesu Kalisito uxolu noxine.
1 Eni Paulo, aneꞌi misakisakileli mo eni a axoxolu no taasou navunavu, xo eni amitema sou xaixai noxou Kalisito Iesu.
3 Nexi talinga lexe alauna mo opo seꞌisisi noxou Lataua Maminge ilou Tila noxinge Iesu Kalisito uxolu noxinge.
12 La sou eni apalusou ulivu ulai noxine. Anu ne, eꞌeleli manina ane. 13 No mine eni exoxolu no taasou navunavu, la emasaxa lexe anu uxolu noxilo sou unoꞌu tanixene mo usuꞌulileli sou aaꞌaloiꞌa ta mitema aꞌalo laixe noxou Iesu Kalisito. 14 Ia lexe nini napelemasaxaleli uasi, la eni umomomo sou amulinu masaxa noxilo uasi. Lexe nini nasuꞌulileli sou nalivunoxu Onesimosi ulivu noxine, la nini naꞌoxonu mii ane ne, no anu masaxa noxinesi. Eni avikala pekiaꞌu noxine, la sou nini naꞌoxonu aloxo ne uasi. 15 Tavaꞌu xo anu Onesimosi muꞌumesine se kituꞌa ne, male nini nalivulixu uneꞌe noxine mo sou uxolu noxine utotomu. 16 ✡1Ti 6:2Anu ulivu uneꞌe uxolu noxine, la anu loxo itema vitanisi sou napalupalusou uasi. Anu muxiu mo muxali loxo vivine e nenge temasaxau. Eni emasaxau, ia nini kalumo nemasaxau misevile, loxo itema sou ipalupalusou mo nenge vivinge noxou tila, ia anu noxine kalumo.
17 La sou lexe nini menexilo sou nengei taꞌoxonu xaixai noxou Tilasinge, la naꞌavalou Onesimosi uneꞌe noxine loxo nini naꞌavalilo. 18 Xe lexe anu mususu noxine mo ukolinu lamolimeni uasi, la eni akolinu. 19 Xo eni Paulo melo ekaukavu ano ꞌo. La sou eni melo akolinu lamolimeni. Ia eni avikalaneni lexe nini nakolinu xaixai e eni eꞌoxo mulai noxine sou nemuxaxu taneni noxou Kalisito ꞌole, uasi. 20 Vivilo. Eni emasaxa manina lexe nini nasuꞌulileli, xo nenge nengei tamuxamuxaxu tanenge noxou Tila noxinge. Nini naꞌavalou Onesimosi uneꞌe sou uxolu noxine, la eni opoleli uꞌosasou Kalisito. 21 Eni ekaukavu aloxo ne, xo eni elavu lexe nini nalomuxu linga noxilo mo nini naꞌoxonu xaixai seꞌi e eni ataliꞌisinexu uasi.
22 ✡Pil 1:25; 2:24Avikalangengi no anu mii vile la. Eni alingainge sou ngingi ngakilakasilo ulai noxou Lataua, mo sou eni alai noxinge. La sou eni emasaxa lexe nini napaipounu tani kapiutuxu vile sou lexe eni aneꞌe, la aai no anu.
23 ✡Kol 1:7Epapalasi musova aso laixe mulai noxine. Anu kalumo ne, aneꞌi misakisakiinu mo nexi noxou texolu no taasou navunavu, xo anu kalumo muaꞌaloxu Kalisito Iesu ualasou. 24 ✡Kol 4:10-14Mo aneꞌi ane nexi noxiꞌa taxaxai tapita no anu xaixai noxou Lataua, ualasiꞌa lexe Maluko mo Alisitaluko mo Temasi ilou Luka, aneꞌi kalumo misova aso laixe mulai noxine.
25 Eni alinga lexe alauna noxou Tila Iesu Kalisito uxolu noxine.