ܣܸܦܪܵܐ ܪܒ݂ܝܼܥܵܝܵܐ
90
ܡܙܡܘܪ̈ܐ 90‐106
ܨܠܘܬܐ ܕܡܘܫܐ ܐܢܫܐ ܕܐܠܗܐ.
1 ܝܵܐ ܡܵܪܝܵܐ، ܒܹܝܬ ܡܲܥܡܪܵܐ ܐܲܢ݇ܬ ܗܘܹܐ ܠܘܼܟ݂ ܐܸܠܲܢ ܒܕܵܪܵܐ ܘܕܵܪܵܐ.
2 ܡ̣ܢ ܩܲܕܡ ܕܛܘܼܪܹ̈ܐ ܦܵܝܫܝܼ ܗܘܵܘ ܝܠܝܼܕܹܐ،
ܘܬܲܪܨܸܬ ܗܘܵܐ ܐܲܪܥܵܐ ܘܒܪܝܼܬܵܐ،
ܡ̣ܢ ܥܵܠܲܡ ܘܥܵܠܲܡ ܐܲܢ݇ܬ ܝܼܘܸܬ ܐܲܠܵܗܵܐ.
3 ܟܹܐ ܡܲܕܸܪܸܬ ܠܹܗ ܐܢܵܫܵܐ ܠܥܲܦܪܵܐ،
ܘܟܹܐ ܐܵܡܪܹܬ: ”ܕܘܼܪܘܼܢ، ܝܵܐ ܒܢܲܝ̈ܢܵܫܵܐ.“
4 ܣܵܒܵܒ ܐܲܠܦܵܐ ܫܸܢܹ̈ܐ ܒܥܲܝ̈ܢܘܼܟ݂،
ܐܲܝܟ݂ ܐܬܸܡܵܠܝ ܝܢܵܐ ܕܥܒ݂ܝܼܪܹܗ،
ܘܐܲܝܟ݂ ܒܲܕܠܵܐ ܕܠܲܝܠܹܐ.
5 ܓܪܝܼܦܵܝ ܠܘܼܟ݂، ܗܘܹܐ ܠܗܘܿܢ ܐܲܝܟ݂ ܫܸܢܬܵܐ،
ܐܲܝܟ݂ ܓܸܠܵܐ ܕܡܲܩܝܸܢ ܒܨܲܦܪܵܐ،
6 ܒܨܲܦܪܵܐ ܟܹܐ ܡܲܓ̰ܝܸܢ ܘܟܹܐ ܡܲܩܝܸܢ،
ܒܪܲܡܫܵܐ ܟܹܐ ܟ̰ܵܡܹܟ̃ ܘܟܹܐ ܒܵܪܹܙ.
7 ܣܵܒܵܒ ܬܝܼܡ ܠܲܢ ܒܟܲܪܒܘܼܟ݂،
ܘܒܚܸܡܬܘܼܟ݂ ܦܝܼܫ ܠܲܢ ܫܓ݂ܝܼܫܹܐ.
8 ܡܘܼܬܸܒ݂ ܠܘܼܟ݂ ܥܵܘܠܲܢ̈ ܠܒܲܠܩܘܼܒ݂ܠܘܼܟ݂،
ܚܛܵܗܲܢ̈ ܛܸܫܝܹ̈ܐ ܩܲܕܡ ܒܲܗܪܵܐ ܕܦܵܬܘܼܟ݂.
9 ܣܵܒܵܒ ܟܠܵܝܗܝ ܝܵܘܡܵܢܲܢ̈ ܥܒ݂ܝܼܪܗܘܿܢ ܒܚܸܡܬܘܼܟ݂،
ܬܝܼܡܵܝ ܠܲܢ ܫܸܢܲܢ̈ ܐܲܝܟ݂ ܬܲܢܲܚܬܵܐ.
10 ܝܵܘܡܵܢܹ̈ܐ ܕܚܲܝܲܢ̈ ܫܲܒ݂ܥܝܼ ܫܸܢܹ̈ܐ ܝܢܵܐ،
ܘܐܸܢ ܒܓܲܒܵܪܘܼܬܵܐ، ܬܡܵܢܝܼ ܫܸܢܹ̈ܐ،
ܒܪܲܒܘܼܬܵܝܗܝ ܥܲܡܠܵܐ ܘܕܲܪܕ،
ܣܵܒܵܒ ܟܹܐ ܥܵܒ݂ܪܝܼ ܓ̰ܲܠܕܹܐ ܘܟܹܐ ܦܵܪܚܲܚ.
11 ܡܵܢܝܼ ܝܵܕܹܥ ܚܲܝܠܵܐ ܕܚܸܡܬܘܼܟ݂،
ܣܵܒܵܒ ܗܲܪ ܐܲܝܟ݂ ܙܕܘܼܥܬܵܐ ܕܡܸܢܘܼܟ݂ ܝܼܠܵܗ̇ ܟܲܪܒܘܼܟ݂؟
12 ܗܵܕܟ݂ܵܐ ܡܲܕܸܥ ܠܲܢ ܠܸܡܢܵܝܵܐ ܝܵܘܡܵܢܲܢ̈،
ܕܡܵܛܲܚ ܠܠܸܒܵܐ ܕܚܸܟ݂ܡܬܵܐ.
13 ܕܘܼܪ، ܝܵܐ ܡܵܪܝܵܐ! ܗܲܠܔ ܐܝܼܡܲܢ؟
ܘܪܲܚܸܡ ܥܲܠܔ ܪܹ̈ܓܵܘܵܬܘܼܟ݂.
14 ܡܲܣܒܸܥ ܠܲܢ ܒܨܲܦܪܵܐ ܒܛܲܝܒܘܼܬܘܼܟ݂،
ܕܫܲܒܚܲܚ ܘܚܵܕܲܚ ܒܟܠܵܝܗܝ ܝܵܘܡܵܢܲܢ̈.
15 ܡܲܚܕܝܼ ܠܲܢ ܐܲܝܟ݂ ܝܵܘܡܵܢܹ̈ܐ ܕܩܵܡ ܡܲܠܝܸܨܸܬ ܠܲܢ،
ܐܲܝܟ݂ ܫܸܢܹ̈ܐ ܕܚܙܹܐ ܠܲܢ ܒܝܼܫܬܵܐ.
16 ܦܵܐܹܫ ܚܸܙܝܵܐ ܠܪܹ̈ܓܵܘܵܬܘܼܟ݂ ܦܘܼܠܚܵܢܘܼܟ݂،
ܘܫܘܼܒ݂ܚܘܼܟ݂ ܠܒܢܘܿܢܵܝ̈ܗܝ.
17 ܘܗܵܘܝܵܐ ܒܲܣܝܼܡܘܼܬܵܐ ܕܡܵܪܝܵܐ ܐܲܠܵܗܵܐ ܥܲܠܲܢ،
ܘܥܒ݂ܵܕܵܐ ܕܐܝܼܕܵܬܲܢ̈ ܡܲܩܘܹܐ ܥܲܠܲܢ،