82
ܡܙܡܘܪܐ ܕܐܣܦ.
1 ܐܲܠܵܗܵܐ ܟܸܠܝܵܐ ܝܠܹܗ ܒܟܢܘܼܫܬܹܗ،
ܒܓܵܘܵܐ ܕܐܲܠܵܗܹ̈ܐ ܒܸܕܝܵܢܵܐ ܝܠܹܗ.
2 ”ܗܲܠܔ ܐܝܼܡܲܢ ܒܸܬ ܕܵܝܢܝܼܬܘܿܢ ܒܥܵܘܠܵܐ،
ܘܚܵܙܹܝܬܘܿܢ ܦܵܬܵܐ ܠܪ̈ܲܫܝܼܥܹܐ؟
ܣܹܠܵܗ
3 ”ܥܒ݂ܘܿܕܘܼܢ ܕܝܼܘܵܢ ܕܡܚܝܼܠܵܐ ܘܕܝܲܬܘܼܡܵܐ،
ܠܡܘܼܠܝܸܨܵܐ ܘܠܡܸܣܟܹܢܵܐ ܥܒ݂ܘܿܕܘܼܢ ܗܵܩܘܼܬܵܐ.
4 ”ܦܲܪܩܘܼܢ ܠܡܚܝܼܠܵܐ ܘܠܣܢܝܼܩܵܐ،
ܡ̣ܢ ܐܝܼܕܵܐ ܕܪ̈ܲܫܝܼܥܹܐ ܦܲܨܹܝܡܘܼܢ ܠܗܘܿܢ.
5 ”ܠܹܐ ܝܵܕܥܝܼ ܘܠܹܐ ܦܲܪܡܝܼ،
ܒܚܸܫܟܵܐ ܟܹܐ ܚܵܕܪܝܼ،
ܫܥܝܼܫܹܐ ܝܢܵܐ ܟܠܵܝܗܝ ܫܲܬܐܸܣܝܵܬܹ̈ܐ ܕܐܲܪܥܵܐ.
6 ”ܐܵܢܵܐ ܐܡܝܼܪܝܼ: ’ܐܲܠܵܗܹ̈ܐ ܝܬܘܿܢ ܐܲܚܬܘܿܢ،
ܘܒܢܲܝ̈ ܥܸܠܵܝܵܐ ܟܠܵܘܟ݂ܘܿܢ.‘
7 ”ܐܝܼܢܵܐ ܐܲܝܟ݂ ܒܲܪܢܵܫܵܐ ܒܸܬ ܡܵܝܬܝܼܬܘܿܢ،
ܘܐܲܝܟ݂ ܚܲܕ ܡ̣ܢ ܓܘܼܪ̈ܵܢܹܐ ܒܸܬ ܢܵܦܠܝܼܬܘܿܢ.“
8 ܩܘܼܡ، ܝܵܐ ܐܲܠܵܗܵܐ، ܕܘܼܢ ܠܐܲܪܥܵܐ،