75
ܠܪܝܫ ܓܘܕܐ ܕܙܡܪ̈ܐ. ܐܲܠܬܲܫܚܸܬ. ܡܙܡܘܪܐ ܕܐܣܦ. ܙܡܪܬܐ.
1 ܫܲܟܘܼܪܹܐ ܝܘܲܚ ܐܸܠܘܼܟ݂، ܝܵܐ ܐܲܠܵܗܵܐ،
ܫܲܟܘܼܪܹܐ ܝܘܲܚ ܘܩܘܼܪܒܵܐ ܝܠܹܗ ܫܸܡܘܼܟ݂،
ܕܘܼܡܵܪ̈ܘܼܟ݂ ܗܘܼܩܹܐ ܠܗܘܿܢ ܐܵܗܵܐ.
2 ”ܐܝܼܡܲܢ ܕܪܵܫܡܹܢ ܥܕܵܢܵܐ،
ܒܬܪܘܼܨܘܼܬܵܐ ܒܸܬ ܕܵܝܢܹܢ ܐܵܢܵܐ.
3 ”ܦܫܝܼܪܹܐ ܝܢܵܐ ܐܲܪܥܵܐ ܘܟܠܵܝܗܝ ܥܵܡܪ̈ܵܢܘܼܗ̇،
ܐܵܢܵܐ ܡܘܼܩܘܹܐ ܠܝܼ ܣܛܘܼܢܘܼ̈ܗ̇.
ܣܹܠܵܗ
4 ”ܐܡܝܼܪܝܼ ܠܚܵܬܪ̈ܵܢܹܐ: ’ܠܵܐ ܚܵܬܪܝܼܬܘܿܢ،‘
ܘܠܪ̈ܲܫܝܼܥܹܐ: ’ܠܵܐ ܡܲܪܡܝܼܬܘܿܢ ܪܹܝܫܵܐ.
5 ’ܠܵܐ ܡܲܪܡܝܼܬܘܿܢ ܠܡܪܵܘܡܵܐ ܪܹܝܫܵܘܟ݂ܘܿܢ،
ܐܵܦܠܵܐ ܗܲܡܙܸܡܝܼܬܘܿܢ ܒܩܕܵܠܵܐ ܪܵܡܵܐ.‘ “
6 ܣܵܒܵܒ ܠܵܐ ܡ̣ܢ ܡܲܕܢܚܵܐ ܘܠܵܐ ܡ̣ܢ ܡܲܥܪܒ݂ܵܐ،
ܘܠܵܐ ܡ̣ܢ ܒܲܪܝܼܵܐ ܟܹܐ ܐܵܬܝܵܐ ܪܵܡܘܼܬܵܐ.
7 ܐܸܠܵܐ ܐܲܠܵܗܵܐ ܝܠܹܗ ܕܲܝܵܢܵܐ،
ܠܐܵܗܵܐ ܟܹܐ ܡܲܟܸܦ ܘܠܐܵܗܵܐ ܟܹܐ ܡܲܪܸܡ.
8 ܣܵܒܵܒ ܟܵܣܵܐ ܒܐܝܼܕܵܐ ܕܡܵܪܝܵܐ ܝܠܹܗ،
ܘܚܲܡܪܵܐ ܡܸܛܝܵܐ ܝܠܹܗ،
ܡܸܠܝܵܐ ܝܠܹܗ ܡܙܵܓ݂ܵܐ ܘܡܸܢܹܗ ܟܹܐ ܕܵܪܹܐ،
ܫܲܪܝܼܪܵܐܝܼܬ، ܒܸܬ ܫܵܬܝܼ ܡܸܢܹܗ، ܘܕܘܼܪܕܹܗ ܒܸܬ ܠܵܡܨܝܼ ܟܠܵܝܗܝ ܪ̈ܲܫܝܼܥܹܐ ܕܐܲܪܥܵܐ.
9 ܐܝܼܢܵܐ ܐܵܢܵܐ ܒܸܬ ܡܲܕܥܸܢ ܐܵܗܵܐ ܠܥܵܠܲܡ،
ܒܸܬ ܙܵܡܪܹܢ ܠܐܲܠܵܗܵܐ ܕܝܲܥܩܘܿܒ݂، ܕܐܵܡܹܪ:
10 ”ܒܸܬ ܫܵܡܛܹܢ ܟܠܹܗ ܚܲܝܠܵܐ ܕܪ̈ܲܫܝܼܥܹܐ،