1 Cyak'e'u' chik'ajsbilu' tetz Kajcaw.

Cyak'e'u' chik'ajsbilu' tetz Ryos xe yi tetz ca'l.

Cyak'e'u' chik'ajsbilu' tetz i', na at wi'nin tetz k'ej.

2 Cyak'e'u' chik'ajsbilu' tetz, na tan yi tetz porer ja bnix wi'nin e'chk takle'n balaj.

Cyak'e'u' chik'ajsbilu' tetz, na quinin bajsbe'n tetz yi tetz k'ej.

3 Cyak'e'u' chik'ajsbilu' tetz tan e'chk tuc' chiw.

Cyak'e'u' chik'ajsbilu' tetz tan e'chk arpa tu salterio.*“Salterio”, i'tz jun jilwutz kbetz yi at wutz, chi tane'n yi arpa.

4 Cyak'e'u' chik'ajsbilu' tetz tan e'chk pandero, nin chibixinku' tan tak'le'n k'ej i'.

Cyak'e'u' chik'ajsbilu' tetz tan e'chk chirimiy tu e'chk ma'cl yi at wutz.

5 Cyak'e'u' chik'ajsbilu' tetz tan e'chk platillo yi na tzlincan.

6 Na cyakil yi e' yi itz' e', tajwe'n tan cyak'ol chik'ajsbil tetz Kajcaw.

Kak'e' bin kak'ajsbil tetz Kajcaw.

<- Salmos 149