1 I ʼatz laj aj cojol qʼuexelaj que i aj Israel are jun achi chatal chiquixol i winak. Ire, are yatal chic u patan, cu coj qui tzij i winak chuwach i Dios, cu coj qui qʼuexel, cu sujuj chicop chi cu poroj chuwach i Dios, tojbal re qui mac i winak. 2 I aj cojol qʼuexelaj-le, lic winak, n-ta kas u choʼab; rumal-i ʼo u nimal u cʼux chique i winak chi que macunic, chi n-kas ta quetaʼam i sak laj tzij, xa je sachnak. 3 I aj cojol qʼuexelaj-le, xa winak, rumal-i ʼo u chac cu sujuj u qʼuexel ire mísmo chuwach i Dios, tojbal re u mac; queje u cojic u qʼuexel cu ʼano pacha cu ʼan chique i juban winak.
4 Mi jun toʼ coʼon ʼatz laj aj cojol qʼuexelaj che rib; n-ca majaw taj. Xui i Dios ca yaw i nim laj patan-le, pacha xu ya che i mam Aaron[a] ujer. 5 Xak queje i Jesucrísto. Ire n-toʼ ta xu min rib che i patan-le, are i Dios xyaw i nim laj u patan-le che, man u bim che:
6 Xak ʼo jun chic tzij chupam i wuj re i Dios chi cu bij queje iri:
7 Oʼonom lok, i Jesucrísto are ʼo chi chuwach i jyub taʼaj, retaʼam chi i Dios ʼo puʼab cu to chuwach i camic. Rumal-i, xoʼic xu tzʼonoj u tobal che; co xchʼawic are xu tzʼonoj che. I Dios lic xu ta wach i xtzʼonox che, man i Jesucrísto u yom rib puʼab, wach craj i Dios. 8 N-rumal ta che we u Cʼojol i Dios, lic xu tij ni uyej chi chuwach i jyub taʼaj; xoʼon cas che i Dios, tupu xu tij uyej chu ʼanic ile. 9 Queje ile, i Jesucrísto xeʼelok jun Tolke chi lic n-ta palt che, rumal-i, ire rajaw i quelbal i winak chi sak. Niʼpa i quiqui coj u tzij ire, quiqui rik jun qui cʼaslemal n-tu qʼuisic. 10 Rumal-i, i Dios xu ya u patan chi ʼatz laj aj cojol qui qʼuexel i winak chuwach ire, pacha u patan i mam Melquisedec ujer.
- a I mam Aaron are i nabe ʼatz laj aj cojol qʼuexelaj chuwach i Dios. Ire u chaʼ i mam Moises, y xchaʼ rumal i Dios, coʼonbej re i patan-le are xe ʼel li aj Israel piquiʼab i aj Egípto winak ujer. (Exodo 28:1-30:10)
- b Sálmo 2:7
- c I mam Melquisedec are jun aj cojol qui qʼuexel i winak chuwach i Dios, xak are jun ʼatol tzij. I mam Abraham ujer xu ya u sipon che, tioxbal-re che i Dios; lic qʼui xu ya che (Génesis 14:18-20). I mam Melquisedec ʼo mas u ʼij chuwach i mam Aaron chi xak xoʼon panok ʼo u patan chi ʼatz laj aj cojol qʼuexelaj, man ire xa jun chique i u muk u xiquin i mam Abraham. I Crísto queje u patan pacha i re i mam Melquisedec ujer, man ire aj cojol qʼuexelaj, xak ʼatz laj ʼatol tzij. (Xui-ri, i Crísto xu ya rib piqui qʼuexel i winak chuwach i Dios.)
- d Sálmo 110:4